Muli na namang sinampahan ng kaso sa Sandiganbayan si dating PAGCOR Chairman Efraim Genuino.
Ito’y dahil sa pagdideklara nito ng kanyang Statement of Assets, Liabilities and Networth o SALN na may mali-maling impormasyon.
Kasong perjury o pagsisinungaling ang isinampang kaso ng Ombudsman makaraang makita na hindi idineklara ni Genuino ang apat niyang ari-arian mula 2002 hanggang 2005.
Partikular ito sa bahagi ng Bangkal sa Makati City, tunasan sa Muntinlupa City gayundin sa mga bayan ng Los Baños at Sta. Rosa sa lalawigan naman ng Laguna.
By Jaymark Dagala | Jill Resontoc (Patrol 7)
