Muling nakabalik sa pulitika ang dating Deputy Prime Minister ng Malaysia na si Anwar Ibrahim, limang buwan makaraang makalaya ito mula sa kulungan.
Nanalo si Ibrahim sa isinagawang eleksyon sa Malaysia kung saan nakakuha ito ng mahigit 23,000 boto para sa puwesto sa parliyamento ng Port Dickson.
Ito naman ang unang pagkakataon na magkakasama sa parliyamento sina Ibrahim at Prime Minister Mahathir Mohammad kasunod ng hindi pagkakaunawan sa loob ng mahigit dalawampung taon.
Samantala, nangako naman si Ibrahim na hindi niya sasayangin ang tiwalang ibinigay sa kanya ng nasasakupan kasabay na rin ng pasasalamat sa mga bumoto sa kanya.
