Patay ang 22 katao sa nangyaring stampede sa istasyon ng tren sa India.
Nangyari ang insidente sa Mumbai Railway Station kung saan 30 din ang napaulat na nasugatan sa insidente.
Lumalabas sa ulat na biglang bumuhos napakalakas na ulan dahilan upang mag-unahang sumilong ang napakaraming mga tao sa naturang istasyon ng tren na nagdulot ng stampede.
Dinala na sa pinakamalapit na ospital ang mga nasugatan sa insidente.
