Isinailalim na sa state of calamity ang munisipyo ng El Nido, Palawan, matapos ang ilang araw na pag-ulan doon.
Ayon sa lokal na pamahalaan ng El Nido, lubog na sa baha ang kanilang mga barangay na kinabibilangan ng Villa Libertad, Bucana, Masagana, New Ibajay, at Aberawan.
Sa facebook post ni Dave Dela Torre Distal, makikita ang mga larawan ng mga binahang lugar sa El nido at ang mga residenteng pansamantalang inilikas sa mga evacuation center.
Kabilang sa mga nagsagawa ng rescue operations doon, ang 405th Philippine Coast Guard Auxiliary at ang Turtle Divers Group.
