Na hack ang e-mail account ng opisina nina Senador Francis Pangilinan at Bam Aquino.
Ayon kay Aquino Marso pa nang ma hack ang e-mail account ng opisina ni Pangilinan samantalang nitong September 25 lamang ang sa kaniyang opisina.
Na hack din aniya ang e-mail address ng ilang staff nila ni Pangilinan.
Sinabi ni Aquino na nai report na nila sa NBI, DIC at AFP ang tangkang identity theft at hacking.
Inihayag pa ni Aquino na inalerto na nila ang electronic data processing and management bureau ng Senado hinggil dito.
Binigyang diin ni Aquino na ipinabatid na nila ang insidente sa media dahil sa pangamba nilang ang nasabing hacking incident ay naglalayong idawit ang oposisyon sa anumang uri ng destabilisasyon sa Duterte administration.
