Pursigido si Pangulong Rodrigo Duterte na matuloy ang konstruksyon ng Kaliwa Dam at Wawa Dam.
Ito’y sa kabila ng pagkontra ng iba’t ibang grupo hinggil sa pagbuo ng nasabing proyekto.
Sa kaniyang talumpati sa Digos City, tiniyak ng pangulo na hindi mapababayaan ang mga residenteng maapektuhan ng konstruksyon ng naturang mga dam.
Kasabay nito, muling binalaan ng pangulo ang korte na huwag maglalabas ng temporary restraining order laban dito.
Ang Wawa Dam ay itatayo sa Rizal habang sa Quezon Province naman ang Kaliwa Dam.
