Dumating si Pangulong Rodrigo Duterte sa Moscow, Russia para sa kanyang limang araw na working visit.
8:25 a.m., oras sa Pilipinas, nang lumapag ang sinasakyang eroplano ng pangulo sa Vnukoyo Military Base Airport.
Winelcome ang pangulo ng mga opisyal ng State Protocol Department, third Asian Department, Philippine Ambassador to Russia Carlos Sorreta at Russian Ambassador to the Philippines Igor Khovaev.
Agad namang sasabak ang pangulo sa pulong kay Russian Prime Minister Dmitry Medvedev.
Inaasahan din na muling magkakaharap si Pangulong Duterte at Russian President Vladimir Putin para lagdaan ang ilang kasunduan.
Una nang bumisita ang pangulo sa Russia noong 2017 ngunit napaaga ang uwi nito dahil sa Marawi siege.
