Namnamin ang tinatamasang kalayaan ng bansa.
Ito ang mensahe ni Pangulong Rodrigo Duterte kasabay sa paggunita ng ika-121 anibersaryo ng Araw ng Kalayaan.
Ayon sa pangulo, ang Araw ng Kalayaan ang pinakamahalagang bahagi ng kasaysayan ng Pilipinas.
Kaisa aniya siya ng sambayanang Pilipino sa pagkilala sa naging sakripisyo ng ating mga ninuno para matamasa ang kalayaan.
Kaya naman hinimok ng pangulo ang bawat Pilipino na pag-ingatan ang mga sakripisyong alay ng ating mga ninuno at tiyaking hindi ito mapupunta lang sa wala.
