Umapela ng pang-unawa ang Department of Social Welfare and Development (DSWD) sa publiko kaugnay sa pamamahagi ng cash aid sa mga benepisyaryo ng social amelioration program (SAP) sa gitna ng enhanced community quarantine dahil sa coronavirus disease 2019 (COVID-19).
Ayon kay DSWD Undersecretary Ren Paje, napapaulat na aniya kasi na nakakatanggap na ng pagbabanta sa kanilang buhay ang ilang social workers dahil sa ilang pamilya pa ang hindi nakakatanggap ng tulong pinansyal mula sa pamahalaan.
Kaya nakiusap si Paje sa publiko na huwag nawang magalit sa mga social workers sa halip ay bigyan ng tiwala at pang-unawa.
Nais lamang aniya ng mga ito na maihatid ang tulong sa bawat sambahayang nangangangilangan ngayong may krisis na nararanasan dahil sa COVID-19.
