Nakipag-ugnayan na ang DSWD sa mga lokal na pamahalaan sa Metro Manila para sa pagsagip sa mga namamalimos na bata sa mga lansangan.
Sa panayam ng DWIZ, sinabi ni DSWD Sec. Erwin Tulfo na trabaho ng LGUs ang rescue operations habang ang ahensya naman ang bahala sa pagpapakain at pag-contact sa mga magulang, gayundin ang pagpapalaki sa mga bata.
Bukas na rin aniya ang kanilang mga center para tumanggap ng mga street children o mga ‘batang hamog.’
Sinabi pa ni Tulfo na hindi na nila ibabalik ang mga bata sa mga magulang nito kung tatlong beses na itong mahuhuli ng mga otoridad.
