Patay ang itinuturing na Drug Lord ng Cebu makaraang makipagpalitan ng putok sa mga umaarestong awtoridad sa Las Piñas City
Nangyari nitong sabado ang naturang engkuwentro sa isinagawang drug buybust operations ng pinagsanib na puwersa ng PNP Las Piñas gayundin ng PNP Intellegence Unit sa Region 7
Kinilala ni S/Supt. Jemar Modequillo, hepe ng Las Piñas PNP ang mga napatay na suspek na sina Jeffrey Diaz at ang tumatayong bodyguard nitong si Paul Vincent Morales
Ayon kay Modequillo, naispatan umani ang grupo ni Diaz sa bahagi ng Narra Street sa Pilar Village ng naturang lungsod lulan ng isang Toyota Fortuner na kulay silver
Ngunit nang sitahin ng mga pulis ang naturang sasakyan, agad itong pumalag at nakipagbarilan sa mga pulis dahilan upang mapatay sina Diaz at Morales
Narekober naman mula sa mga suspek ang tinatayang nasa P. 1.5 Million Pesos halaga ng shabu gayundin ang ilang baril habang isa pang kasamahan nila Diaz umano ang napag-alamang nakatakas ngunit kasalukuyan nang tinutugis ng pulisya
Sa panig naman ni C/Supt. Patrocinio Commendador, direktor ng PNP Regional Office 7, lehitimo ang kanilang operasyon dahil matagal na nilang minamanmanan ang galaw ng mga suspek
by: Jaymark Dagala
