Nasa kustodiya ngayon ng PNP Aviation Security Group ang isang dayuhan na nangtangkang magpatiwakal sa departure area ng Ninoy Aquino International Airport (NAIA) Terminal 1 kahapon.
Ayon kay General Neri Ilagan, hepe ng Airport Police Department, nakausap niya sa telepono ang kapatid ni Qatari Sheik Saud Salman Al-Thani, 28-anyos na dalawang beses na nangtangkang tumalon sa airport.
Sinabi ni Ilagan na naniniwala ang kapatid ni Al-Thani na nasa impluwensya ito ng droga.
Nabatid na nagtungo dito sa Pilipinas si Al-Thani para maging turista lamang.
Ipinabatid din ng opisyal na wala pa silang natatanggap na impormasyon mula sa Qatar Embassy na kanyang ipinatawag matapos ang insidente.
By Meann Tanbio | Raoul Esperas (Patrol 45)
