Ceasefire na muna si Senate Minority Leader Franklin Drilon sa pagtatanong hinggil sa gastos ng bilyon-bilyong pisong gastos ng pamahalaan para sa Southeast Asian (SEA) Games.
Ayon kay Drilon, nais muna nyang makapag-concentrate ang sports officials sa paghahanda para sa SEA Games.
Layon din anya nila na ilayo muna sa kontrobersya ang SEA Games lalo na sa panahon ng paghahanda ng mga atleta at lalo na pagdating mga dayuhang atleta sa bansa.
Una nang kinuwestyon ni Drilon ang P12-billion na ginastos sa pagpapagawa ng Clark Stadium na isa sa mga venue sa SEA Games.
Nais malaman ni Drilon kung ano ang plano ng Bases Conversion Development Authority (BCDA) sa Clark Stadium pagkatapos ng SEA Games.
Maliban kasi sa ginastos sa konstruksyon, mangangailangan rin ng halos P200-million na pondo kada taon para sa maintenance ng Clark Stadium.
