Dinepensahan ng Department of Public Works and Highways (DPWH) ang isinagawang ribbon cutting ceremony sa bagong health facility sa Quezon City.
Ito’y matapos batikusin ni Sen. Nancy Binay kung saan tinawag nitong “unnecessary” ang naturang aktibidad.
Ayon kay DPWH Sec. Mark Villar, wala siyang nakikitang masama sa pagsasagawa ng pinal na inspeksyon at pagpapa-bless sa mga gusali o proyektong binubuksan ng gobyerno.
Dagdag ni Villar, hindi na aniya ito dapat pang maging isyu, bagkus ay tingnan na lamang ang nagawang pasilidad kung saan isang patunay na kumikilos ang gobyerno para tugunan ang pandemya.
