Nagpasaklolo sa mga otoridad si Transportation Assistant Secretary Goddes Libiran makaraang nakawan ng pera at alahas ng kanyang kasambahay.
Katatapos lamang ni Libiran na magpa-booster at pagbalik ng bahay ay nilimas na ng bagong kasambahay na si Marilou Fernandez ang hindi pa mabatid na halaga ng alahas at pera.
Ayon sa Opisyal, nagpaalam lamang si Marilou na bibili ng bawang at sibuyas sa labas noong sabado ng hapon pero hindi na bumalik at hanggang ngayo’y hindi mahanap.
Si Fernandez, 55-anyos ay sinasabing residente ng Pasig City at may iba’t ibang pangalan sa Facebook.
Napag-alaman din ng DOTR Official na mayroong ibang kinakaharap na kasong pagnanakaw ang suspek.
Samantala, kinalampag na rin ni Libiran ang Agency ni Fernandez na mayroon din anyang pananagutan.
