Nanawagan ang Department of Transportation (DOTr) sa publiko na iprayoridad ang kaligtasan sa kalsada.
Ayon kay DOTR Secretary Jaime Bautista, palalakasin nila ang kamalayan ng mga Pinoy sa kaligtasan sa kalsada alinsunod sa Philippine Road Safety Action Plan (PRSAP).
Hinikayat din ng kagawaran ang publiko, lalo ang mga motorista na makipagtulungan upang palakasin ang adbokasiya ng kaligtasan sa kalsada at ipatupad ang mga patakaran.
Ang panawagan ng kalihim ay bilang bahagi ng pagdiriwang ng National Day of Remembrance for Road Crash Victims, survivors and families. –-mula sa panulat ni Jenn Patrolla
