Naniniwala ang Department of Science and Technology (DOST), na kaya nang makipagsabayan ng Pilipinas sa iba pang mga bansa.
Ayon kay DOST Usec. Leah Buendia, mas lalong nagiging competitive ang Pilipinas sa ibat-ibang larangan partikular na sa siyensiya at teknolohiya.
Naniniwala ang DOST na mas marami pang magagawa ang Pilipinas tungo sa kaunlaran ng bansa.
Kaugnay nito, nanawagan ng patuloy na suporta ang DOST kay Pangulong Ferdinand “Bongbong” Marcos Jr., na makatutulong sa pag-unlad at matugunan ang pangangailangan ng mga industriya sa pilipinas sa mas mabilis at mas maayos na paraan.