Aminado ang Department of Labor and Employment o DOLE na nahihirapan silang pigilan ang pagdagsa ng mga iligal na manggagawang Pilipino sa UAE o United Arab Emirates.
Ayon kay Labor Secretary Silvestre Bello lll, bunga ito ng kawalan ng bilateral contract sa pagitan ng Pilipinas at UAE.
Sinabi ni Bello na ito rin ang dahilan kaya’t marami ang nagsi siksikan sa shelter ng Philippine Embassy.
“Papauwiin talaga natin sila kaya lang kung anong sipag natin sa pagpapauwi, ganon din kasipag ang illegal recruiters. Alam nila na wala tayong bilateral agreement, ganun parin ang ginagawa nila.” — Pahayag ni Labor Secretary Silvestre Bello lll.
(Imee Solusyon interview)
