Tinapos na ng Department of Justice ang kasong inihain ng Pinay drug convict na si Mary Jane Veloso laban sa kanyang mga recruiters na sina Maria Kristina Sergio at Julius Lacanilao.
Ito’y makaraang hindi na maghain ng anumang pleadings ang magkabilang panig habang nakapag-sumite na rin ng rejoinder affidavit sina Sergio at Lacanilao kay Asst. State prosecutor Susan Azarcon na may hawak ng kaso.
Iginiit naman ng mga akusado na dapat ng ibasura ng DOJ ang reklamong human trafficking, illegal recruitment, at estafa na isinampa laban sa kanila ni Veloso dahil hindi naman nila pinanumpaan kay Azarcon ang mga nabanggit na reklamo.
Kung bibigyan anila ng kagawaran ng halaga ang salaysay ni Veloso ay magiging paglabag ito sa kanilang karapatan sa ilalim ng Article 3, Section 14 ng konstitusyon na makaharap ang mga testigo.
Hindi rin umano maipaliwanag ng mga Veloso sa kanilang pinagsamang kontra-salaysay kung paano ikukunsiderang biktima ng human trafficking si Mary Jane.
By Bert Mozo / Drew Nacino
