Wala pang community transmission ng bagong COVID-19 subvariants.
Ito ang nilinaw ng Department of Health (DOH) kung saan maituturing lamang anila na local transmission ang naitalang kaso ng XBB subvariant at XBC variant.
Nagbabala naman ang kagawaran na posibleng tumaas ang kaso ng impeksyon sa mga susunod na araw.
Gayunman, nilinaw ng DOH na wala pang katibayan na ang naturang subvariants at variant ay magdudulot ng severe o critical na epekto sa mga tatamaan nito.
Nabatid na ang XBB ay recombinant ng BA.2.10.1 sublineage at BA.2.75 sublineage habang ang XBC naman ay recombinant ng delta at BA.2 subvariant.
