Sumampa sa 612 ang panibagong bilang ng nahawa sa COVID-19 na naitala ng DOH kahapon.
Ayon sa DOH, ito na ang pinakamataas na new COVID-19 cases simula pa noong Abril a-3.
Tumaas din sa 4, 529 ang bilang ng aktibong kaso, kumpara sa 4, 176 noong Sabado.
Ang mga rehiyong nanguna sa may pinaka-mataas na bagong kaso sa nakalipas na dalawang linggo ang NCR na may 2, 194; sinundan ng CALABARZON na may 659 at Western Visayas, 375.
Wala namang nadagdag sa bilang ng mga nasawi na nananatili sa 60, 467, habang 3, 631, 268 ang mga gumaling sa COVID-19.
Sa kabuuan, 3, 696, 264 na ang nationwide COVID-19 tally sa Pilipinas.
