Nag-aalangan pa rin ang Department of Health (DOH) kung itataas na sa Alert level 2 ang National Capital Region (NCR).
Ayon kay Health Undersecretary Maria Rosario Vergeire, bagaman tumataas ang mga kaso, kailangan pa ring pagtuunan ng pansin ang hospital admissions dahil dito makikita kung dumarami ba o hindi ang mga tinatamaan ng COVID-19.
Karamihan ng nagpopositibo sa virus ay mild at asymptomatic lamang ang nararamdaman kaya hindi napupuno ang mga pagamutan.
Sakaling itaas sa Alert level 2 ang NCR, magkakaroon na naman nang paghihigpit at maraming sektor ang maaapektuhan.
Dahil dito, sinabi ni Vergeire na mahalaga pa rin ang mag-iingat ng publiko para hindi bumalik sa dati ang surge ng kaso sa bansa.
