Nakitaan ng sintomas ng coronavirus disease 2019 (COVID-19) ang 10 sa mga Pilipinong inilikas mula sa Diamond Princess cruise ship.
Sa panayam ng DWIZ kay Health Assistant Secretary Rosario Vergeire, 7 sa mga ito ang nag negatibo na sa nasabing virus at 3 pa ang naghihintay ng resulta.
Ayon pa kay Vergeire, pawang mga crew ng MV Diamond Princess ang 10 kataong nakitaan ng sintomas ng COVID-19.
Matatandaang aabot sa 445 Pilipino ang isinailalim sa repatriation sa MV Diamond Princess bilang tugon sa COVID-19 outbreak sa nasabing barko.
Sa ngayon, naka isolate ang mga ito sa Athlete’s Village sa New Clark City sa Capas, Tarlac.
