Pinatutukan ni Pangulong Ferdinand Marcos Jr. sa Department of Energy na resolbahin ang mga suliranin sa Visayas Grid matapos itong muling makaranas ng yellow at red alerts.
Ayon kay Energy Secretary Sharon Garin, agad silang naghanda ng master plan para sa Visayas, gayundin sa Mindoro at Palawan, kasunod ng direktiba ng Pangulo.
Kapag anya naayos ang sistema sa Visayas, hindi na kakailanganin ang madalas na pagsuporta ng Luzon at Mindanao sa suplay ng kuryente sa rehiyon.
Matatandaang noong Martes, muling isinailalim ng National Grid Corporation of the Philippines ang Visayas Grid sa yellow alert mula alas-singko ng hapon hanggang alas-otso ng gabi, dahil sa manipis na reserba ng kuryente at limitadong operasyon ng ilang planta.—sa panulat ni Reabelle Medina
