Ini-raffle na sa second division ng COMELEC ang petisyong humihiling na i-disqualify si presidential aspirant at dating senador Ferdinand “Bongbong” Marcos, Jr. sa 2022 Elections.
Ayon kay COMELEC Spokesman James Jimenez, wala pang summons na inilalabas kaugnay sa nasabing petisyon pero inaasahan na nila ito anumang araw ngayong linggo.
Nobyembre 2 nang ihain ang petisyon ng ilang private group laban kay Marcos dahil sa pagiging convicted sa kasong Tax Evasion noong 1995.
Gayunman, iginiit ng kampo ng dating gobernador ng Ilocos Norte na pampa-gulo lamang ang disqualification case at propaganda. —sa panulat ni Drew Nacino
