Kinondena ni Senadora Risa Hontiveros ang aniya’y double standard ng administrasyong Duterte sa usapin ng pakiki-apid ng mga opisyal ng gobyerno.
Sinabi ni Hontiveros na pinagdusahan ni Senadora Leila De Lima ang pagkastigo ni Pangulong Rodrigo Duterte at iba pang opisyal dahil sa kanyang relasyon sa kanyang dating driver na may asawa.
Sa kabilang banda, binigyang katwiran pa ng Pangulo ang pagkakaroon ng nobya ng may-asawang si House Speaker Pantaleon Alvarez.
Dahil dito, iginiit ni Hontiveros na nasa taumbayan na ang pagtutulak sa disbarment case na maaaring isampa laban kay Alvarez na sinasabing lumabag sa batas ng kasal.
By Avee Devierte
