Tuluyan nang pinutol ni Venezuelan Presidnet Nicolas Maduro ang relasyon ng kanilang bansa sa Colombia.
Ito’y sa gitna na rin ng nanghyaring gulo o standoff sa border ng dalawang bansa dahil sa pagsuporta ng Colombia sa kaniyang mga kritiko.
Kasabay nito, ipinag-utos din ni Maduro sa lahat ng mga diplomats ng Colombia na nakabase sa kanilang bansa na umalis na sa loob ng beinte kuwatro oras.
Banta ni Maduro, magkakasa siya ng isang pagkilos laban sa Amerika na aniya’y bahagi ng planong kudeta o pagpapatalsik sa kaniya sa puwesto.
Sa kabila nito, hindi naman kinikilala ng Colombian foreign ministry ang pahayag na ito ni Maduro dahil para sa kanila hindi na ito ang pangulo ng Venezuela.
