Hinimok ni Department of the Interior and Local Government Undersecretary for Barangay Affairs Martin Diño ang mga hindi pa bakunadong kapitan ng barangay na mag-resign o mag-leave muna sa pwesto.
Ani Diño, kung hindi bakunado ay maaari namang umalis sa posisyon hanggat hindi tapos ang COVID-19 dahil ang tagapagpatupad ng batas ay dapat aniyang sumunod dito.
Sinabi pa nito na walang exemptions sakaling magkaroon ng ordinansa na maaaring arestuhin ang kapitan na hindi bakunado. Matatandaang naglabas ng direktiba ang DILG na nag-uutos sa mga lokal na opisyal na magsumite ng listahan ng mga unvaccinated na residente sa kanilang lokalidad. —sa panulat ni Airiam Sancho
