Mariing itinanggi ng DILG ang alegasyong gagamitin umano sa 2022 elections ang bilyon-bilyong pisong halaga ng pondo sa anti insurgency na nakalaan sa Davao Region.
Ayon kay DILG Acting Spokesperson Odilon Pasaraba, walang katotohanan na para sa paghahanda sa eleksyon ang naturang pondo.
Giit ni Pasaraba, ang paggastos sa pondo ay pinamamahalaan ng benepisyaryong barangay at wala nang kinalaman dito ang DILG maging ang National Task Force to End Local Communist Armed Conflict.
Sinabi rin ni NTF-ELCAC Spokesperson Joel Egco, hindi ibig sabihin ay naglaan ng bilyong pondo sa Davao ay dahil ito ang pinapaboran ng gobyerno ngunit dahil marami sa mga barangay dito ang dating mayroong impluwensya ng mga komunistang grupo.
Una rito kinumpirma ng dalawang kinatawan ng gobyerno ang pagtanggap ng Davao Region ng mahigit P4 bilyon mula P16 bilyon fund ng anti-insurgency campaign ng gobyerno.