Nanindigan si Chinese President Xi Jinping na hindi nila papayagang sumiklab ang digmaan sa Korean Peninsula.
Ito ang tiniyak ni Xi sa gitna ng pagbisita sa Beijing, China ni south Korean President Moon Jae – in.
Ito ay matapos naman ang alok ni US Secretary of State Rex Tillerson na negosasyon nang walang kondisyon.
Ayon sa Pangulo ng Tsina, dapat resolbahin ang tensyon sa pamamagitan ng negosasyon at hindi sa marahas na paraang maaaring mauwi sa digmaan.
Samantala, nagkausap muli sina US President Donald Trump at Russian President Vladimir Putin hinggil sa sitwasyon sa Korean Peninsula.
