Sinasabing anomalya sa bidding of contract sa NBP ipinasisilip

Pinaiimbestigahan ng isang catering firm sa gobyerno ang umano’y anomalya sa bidding of contracts na siyang nagsusuplay ng pagkain sa mga preso sa lahat ng detention facilities sa ilalim ng Bureau of Corrections.

Ginawa ni Atty. Lorna Kapunan, Legal Counsel ng MKCSI o Mang Kiko Catering Services Inc. ang pahayag bunsod ng diarrhea outbreak sa NBP o New Bilibid Prison sa Muntinlupa noong nakaraang linggo.

Ang MKCSI ang nagsusuplay ng pagkain sa mga preso ng New Bilibid Prison sa nakalipas na 11 taon.

Ipinabatid ni Kapunan na nagpadala na sila ng sulat kay Justice Secretary Vitaliano Aguirre patungkol sa sinasabing iregularidad bago pa man ang nangyaring outbreak, subalit wala pang tugon dito ang kalihim.

By Meann Tanbio

Comments

comments