Nagpaabot ng pakikiramay ang Department of Foreign Affairs o DFA sa mga naulila ng nasawing mag-anak na Filipino-American dahil sa aksidente sa kalsada sa Delaware USA.
Sa isang pahayag sinabi ni Foreign Affairs Secretary Alan Peter Cayetano na nakikiisa sila sa pagdadalamhati ng Filipino community sa Estados Unidos dahil sa car crash na kumitil sa limang miyembro ng pamilya Trinidad.
Samantala, dinaluhan at nakiisa naman ang ilang opisyal ng Philippine Consulate General in New York ang isinagawang vigil para sa mga nasawing miyembro ng pamilya Trinidad sa tahanan ng mga ito sa Teaneck Jersey.
Binisita na rin ng konsulada ang nag-iisang nakaligtas sa insidente na si Mary Rose, ang ilaw ng tahanan ng pamilya Trinidad.
Batay sa imbestigasyon, papauwi na ang pamilya mula sa isang bakasyon nang mabangga ng isang pick up ang kanilang sasakyan sa highway ng Townsend Delaware.
—-
