Kinumpirma ng Department of Foreign Affairs o DFA na nagkausap na ang mga kinatawan ng Pilipinas at China kaugnay sa panukalang joint oil and gas exploration sa West Philippine Sea.
Ayon sa DFA, sa nangyaring pulong nitong nakalipas na October 28, nabuo ang Philippines China Intergovernmental Joint Steering Committeee on Cooperation on Oil and Gas Development.
Sinabi ng DFA na naging maayos naman ang panimulang pag uusap kaugnay sa joint project.
Pinangunahan ni DFA Undersecretary Enrique Manalo ang delegasyon ng Pilipinas at ni Chinese Vice Foreign Minister Luo Zhaohui sa panig ng China.
Hindi naman nagbigay ng detalye ang DFA kung kailan sisimulan ang proyekto at kung saan sisimulan ang joint exploration.
