Mahigpit na binabantayan ng pamahalaan ang mga development sa unang dalawang kaso ng Omicron variant sa Pilipinas.
Ito ang tiniyak ni Acting Presidential Spokesperson Karlo Nograles, kasunod ng anunsyo ng Department of Health (DOH) na mayroon nang dalawang kaso ng Omicron variant sa bansa mula sa mga biyahero na nanggaling sa Japan at Nigeria.
Pinapurihan naman ng pamahalaan ang mga health expert ng bansa dahil sa early detection ng naturang variant.
Ang mabilis na pagkaka-detect sa Omicron variant ay bahagi aniya ng prevent-detect-isolate-treat-reintegrate (PDITR) strategy ng bansa.
