Mananatili ang deployment ban sa Kuwait.
Ito ang iginiit ng Department of Labor and Employment o DOLE sa harap ng pagkakaaresto sa mga among suspek sa pagkamatay ng Overseas Filipino Worker o OFW sa Kuwait na si Joanna Demafelis.
Paliwanag ni Labor Secretary Silvestre Bello III, kailangan makamit muna ng pamilya Demafelis ang katarungan bago alisin ang deployment ban.
Binigyang diin pa ni Bello na dapat mabigyan muna ang pamahalaan ng Pilipinas ng garantiya mula sa Kuwait na poproteksyunan ang mga Pilipinong nagtatrabaho doon.
—-
