Pinag-aaralan ng Department of Labor and Employment (DOLE) ang posibilidad na magpatupad ng deployment ban o pagpapatigil sa pagpapadala ng mga manggagawang Pilipino sa Hong Kong.
Ito ay bunsod na rin ng mag tumitinding tensyon sa nasabing autonomous teritory ng China.
Ayon kay Labor Secretary Silvestre Bello, posibleng ngayong linggo kanilang ipalabas ang desisyon kaugnay ng planong deployment ban sa Hong Kong.
Kasalukuyan aniya ay patuloy pa ang kanilang ginagawang pagtaya at pagmomonitor sa sitwasyon kung saan ikukonsidera rin ang pagkakaaresto sa isang Pilipino doon.
Kaugnay nito, pinalalahanan ni Bello ang mga OFW sa Hong Kong na huwag munang magtungo sa mga lugar kung saang ginaganap ang mga kilos protesta doon.
