Nagsimula nang tumanggap ng aplikasyon ang Department of Education (DepEd) para sa voucher program sa senior high school (SHS), kahapon, Mayo 26.
Ayon sa DepEd, maaaring isumite ng personal o sa pamamagitan ng koreo ng mga istudyante ang kanilang aplikasyon hanggang Biyernes, Mayo 31.
habang bubuksan naman ang online application portal para sa voucher program simula sa Biyernes, Mayo 31 at tatagal hanggang Hunyo 2, Linggo.
Dagdag ng DepEd, otomatiko naman kuwalipikado sa voucher program ang mga nagtapos ng grade 10 sa mga pampublikong paaralan at mga private schools sa ilalim ng education service contracting program.
Nakatakdang ianunsyo ng DepEd ang resulta ng aplikasyon para sa voucher program sa Hunyo 17.
—–
