Naghahanda na ang Department of Education (DepEd) sa pagsasagawa ng limited in person classes sa January 2022.
Kasunod na rin ito nang pagtatapos ng pilot face to face classes nitong December 17.
Ayon kay DepEd Planning Service Director Roger Masapol, naghahanda na sila ng report hinggil sa assessment ng pilot testing ng face to face ng mahigit isang buwan mula November 15.
Ipinabatid ng DepEd na nasa unang pilot phase, mayruong halos 300 paaralan ang lumahok at sinalihan ito ng mga estudyante mula kinder hanggang grade 3 at senior high school.
Tiniyak ng DepEd ang patuloy na pakikipag-ugnayan sa DOH hinggil sa estado ng Omicron variant ng COVID-19.
