Bumaba na ang COVID-19 positivity rate sa ilang lalawigan sa Luzon.
Batay sa datos na inilabas ng OCTA Research Group hanggang nitong Setyembre 3, nakapagtala na lamang ang Bataan ng 6.6% na positivity rate mula sa 8.8% noong August 27.
Bumulusok din ang positivity rate ng Batangas sa 9.2% habang nakapagtala naman ng 8.9% ang Pangasinan.
Bahagya namang bumaba sa 12.1% ang positivity rate ng National Capital Region kumpara sa 12.9% noong Agosto 27.
