Siniguro ng PhilHealth na kanilang tutugunan ang isyu ng mga delay sa pag proseso ng mga claims sa mga ospital sa bansa.
Ayon sa PhilHealth, sa kanilang datos ay aabot na sa kabuuang P166 bilyon ang nabayaran ng kanilang ahensya para sa higit 13 milyong claims.
Katumbas ito ng higit sa 76% ng 18 milyong claims na kanilang natanggap noong nakaraang taon mula sa mga accredited government at private hospitals.
Kasunod nito, tiniyak ng PhilHealth na ginagawa nila ang lahat ng kanilang makakaya para mabayaran ang lahat ng kanilang mga utang.
