Pinangangambahang umakyat sa mahigit 50 ang nasawi sa pagragasa ng putik na mula sa mining waste site sa Minas Gerais State sa Brazil.
Nagkaroon ng bitak ang dam sa mining waste site at rumagasa sa kabahayan ang makapal na kulay pulang putik mula sa minahan.
Ayon kay Adao Severino Fire Chief ng syudad ng Mariana, maaaring nalibing na sa pulang putik ang buong barangay o village na malapit sa minahan.
Labing pito (17) pa lamang ang kumpirmadong patay sa insidente subalit pinangangambahang tumaas pa ito dahil may mahigit pa sa 40 katao ang nawawala.
By Len Aguirre
*Photo grabbed from: The Guardian
