Nagsagawa ng makasaysayang pag-uusap ang Israel at Lebanon sa kanilang maritime border.
Ginanap ang pulong sa United Nations facility sa border sa pagitan ng 2 nabanggit na bansa at tumagal ito ng 1 oras.
Nagkasundo ang 2 panig na magkaharap sa negosasyong inorganisa ng Estados Unidos para talakayin at resolbahin ang argumento kaugnay sa usapin ng Exclusive Economic Zone o EEZ ng Israel.
Itinuring namang makabuluhan ng US State Department at United Nation ang pag-uusap ng Israel at Lebanon.
Tiniyak rin umano ng 2 panig ang pagtupad nila sa kanilang pangako na magpapatuloy ang kanilang mapayapang negosasyon sa mga susunod pang panahon.
Gayunman nilinaw ng 2 bansa na ang naging pag-uusap ay pawang teknikal at walang senyales ng anomang normalisasyon o pag-uugnayan.
