Lomobo pa sa 177 ang death toll sa kaguluhan sa Marawi City.
Sa press briefing sa Malakanyang, sinabi ni AFP Spokesman Brig. Gen. Restitulo Padilla na umakyat na sa 36 ang namatay sa tropa ng gobyerno kasunod ng sablay na airstrike ng militar na pumatay sa 10 sundalo.
Wala naman aniyang ulat sa bilang ng mga nasugatang sundalo sa sablay na airstrike.
Idinagdag pa ni Padilla na nananatili pa rin sa 19 ang bilang ng mga sibilyang nasawi sa bakbakan ng militar at Maute group.
Kabuuang 1,024 na mga sibilyan ang nailigtas, mahigit pitumpung libong residente ang inilikas o displaced habang 98 armas ang narekober mula sa mga kalaban ng militar.
By: Meann Tanbio
