Sumampa na sa mahigit isandaan at talumpung (130) katao ang bilang ng mga nasawi sa gumuhong dam sa Brazil habang halos dalawandaang (200) katao naman ang kasalukuyan pang nawawala.
Pinaniniwalaan namang wala na ring buhay ang mga nawawala pa dahil ilang araw na rin ang lumipas mula nang mangyari ang nakamamatay na insidente.
Magugunitang noong Enero 25 naganap ang pagguho ng dam na pag-aari ng Brazilian mining giant na Vale.
Karamihan naman sa mga nasawi ay pawang mga trabahador ng naturang minahan.
—-
