Nakakatakot na mayroong basta naniniwala sa alegasyon ng Administrasyong Duterte na siya lang ang dahilan ng pagkalat ng iligal na droga sa Pilipinas.
Ito ang patutsada ni Senador Leila De Lima sa mga high ranking public official na naniwala sa anito’y pantasya ng Duterte Administration na siya ang responsable bakit naging talamak ang illegal drugs sa bansa.
Bagamat walang pinangalan si De Lima, pero ang pahayag nito ay kasunod ng sinabi ni Senador Grace Poe na dapat lang pagpaliwanagin si De Lima sa pagtindi ng problema sa droga noong ito pa ang kalihim ng Department of Justice o DOJ.
Ayon kay De Lima, tawagin na siyang high priestess ng lahat ng kasamaan at katiwalian, pero hindi raw ito magiging totoo dahil lang paulit-ulit na sinasabi.
By: Meann Tanbio / Cely Bueno
