Nanindigan si Senadora Leila de Lima na lalong hindi siya mapatatahimik ng administrasyong Duterte kahit siya’y nakapiit.
Ito’y makaraang maglabas ng resolusyon ang European Parliament na nananawagan para sa kanyang paglaya mula sa kasong may kinalaman sa iligal na droga.
Ayon kay De Lima, indikasyon lamang ng nasabing resolusyon na binabantayan ng international community ang Pilipinas mula sa mapanikil na rehimen ni Pangulong Rodrigo Duterte.
Panahon na aniya upang magsalita ang mga Pilipino at manindigan sa katotohanan na dapat hindi mamayani ang kadiliman na siyang lalong nagpapahirap sa mga Pilipino.
By Jaymark Dagala