Naniniwala si Chito Sta. Romana, isang China analyst na posibleng mangyari sa lalong madaling panahon ang dayalogo sa pagitan ng Pilipinas at China.
Sinabi ni Sta. Romana na ito ay kung maiiwasan ng dalawang bansa ang pagkakaroon ng armadong komprontasyon.
Ayon kay Sta. Romana, magiging isang malaking pagsubok sa administrasyon ang kanilang magiging tugon sa ilalabas na desisyon ngayong hapon.
Bahagi ng pahayag ni China analyst Chito Sta. Romana
Exclusive economic zone
Maaaring mameligro ang pagkakasama ng Recto Bank at Mischief Reef sa exclusive economic zone o EEZ ng Pilipinas.
Ayon kay Chito Sta. Romana, ito ay kung sasabihin ng UN Arbitration Tribunal na mayroong isla sa West Philippine Sea.
Ipinaliwanag ni Sta. Romana na sakaling ideklara ng Tribunal na mayroong isla, maaaring mapunta sa gray area ang dalawang bahura, dahil nag-ooverlap ito sa idineklarang EEZ ng Taiwan.
Kasama din sa dapat tutukan sa ilalabas na desisyon mamayang hapon ay ang posisyon ng Tribunal sa 9 dash line ng China.
Bahagi ng pahayag ni China analyst Chito Sta. Romana
By Katrina Valle | Karambola
