Dating Vice Mayor at isa pa patay sa pananambang sa La Union

Patay ang dalawa (2) katao, kabilang ang isang dating bise-alkalde matapos tambangan ng hindi pa nakikilalang salarin sa Sto. Tomas, La Union.

Idineklarang dead on arrival sa La Union Medical Center ang mga biktima na sina dating Sto. Tomas Vice Mayor Vincent Rafanan at Beatriz Sakamoto.

Lulan ng kanyang sasakyan si Rafanan kasama si Sakamoto nang pagbabarilin sa Marcos Highway sa bayan ng Pugo.

Ayon sa pulisya, si Rafanan ay itinuturing na isang high value target at pang-lima sa kanilang drug watchlist kaya’t inaalam pa kung may kaugnayan sa iligal na droga ang naturang krimen.

By  Jelbert Perdez  

Comments

comments