Nakatakdang ipatawag sa susunod na pagdinig ng Senate Committee on Public Services si dating Transportation Secretary Mar Roxas.
Ayon kay Senador Grace Poe, Chairman ng komite, ito’y para mabigyan ng pagkakataon si Roxas na magpaliwanag makaraang mabanggit ang kanyang pangalan ni dating MRT-3 General Manager Al Vitangcol sa pagdinig ng komite.
Nauna nang sinabi ni Vitangcol na noong sinulatan niya si Roxas noong kalihim pa ito ng DOTC para abisuhan na ayusin na ang bidding para sa maintenance provider dahil patapos na ang kontrata, pero tila walang ginawang aksyon dito si Roxas.
Maliban kay Roxas, ipatatawag din sa pagdinig sina dating DOTC Secretary Jun Abaya at Marlo Dela Cruz.
By: Meann Tanbio / Cely Bueno
