Sinunog ng mga tauhan ng NPA o New People’s Army ang dalawang truck na naglalaman ng mga beer at sigarilyo sa Agusan del Norte.
Batay sa salaysay ng mga saksi, dakong alas 10:00 kahapon ng umaga nang pababain umano ang mga driver ng dalawang cargo truck sa barangay Cuyago sa bayan ng Jabonga.
Bago anila silaban ang mga naturang truck, ipinamigay pa muna ng mga rebelde sa mga sibilyang residente sa lugar ang laman ng mga ito.
Dahil dito, agad naglatag ng mga checkpoint ang pulisya sa lugar habang nagpapatuloy naman ang hot pursuit operations ng militar laban sa mga rebelled.
SMW: RPE
